O director xeral de Mobilidade, Ignacio Maestro, explicou que esta medida está recollida na Estratexia de Mobilidade de Galicia, presentada esta mesma semana e cuxo obxectivo é responder ás necesidades das persoas e das mercadorías de xeito máis eficaz, sostible, económico e seguro. Destacou a importancia de proporcionar no rural outras alternativas complementarias ao autobús como o taxi, para facilitar a mobilidade dos veciños. Apuntou que esta alternativa do taxi xa é eficiente en zonas como Folgoso so Courel, con pouca poboación e dispersa, cunha orografía complexa e cunhas condicións climáticas adversas no inverno.