O secretario xeral de UXT, Pepe Álvarez, advertiu a Twitter Spain SL de que a lexislación española obriga a abrir un período de consultas, a negociar 15 días e a comunicar á autoridade laboral un despedimento colectivo, como o que os traballadores temen que leve a cabo na empresa. Así o sinalou Álvarez este domingo na súa conta oficial de Twitter, despois de que a trintena de empregados da rede social en España manifestasen que temen «a extinción» do persoal da compañía no territorio nacional, polo que se están organizando para buscar asesoramento legal. Fontes dos empregados detallaron que todos os traballadores en activo da empresa en España recibiron un correo no que se lles anuncia que se vai a proceder a recortar postos de traballo, e ínstaselles a esperar a recibir unha comunicación ao respecto.
35