Representantes de PSN, Geroa Bai e Contigo-Zurekin alcanzaron un acordo de Goberno en Navarra este luns tras unha reunión de cinco horas no Parlamento. Os últimos detalles do pacto pecharanse este martes.
Despois de semanas de negociacións encalladas, desencontros e varios ‘plantóns’ por parte de Geroa Bai, o acordo reeditará un Executivo tripartito coa socialista María Chivite como presidenta, co que esta se asegurou 21 dos 50 escanos.
Para a súa investidura, cuxos trámites deberán comezar de inmediato para non superar o límite do 28 de agosto que obrigaría a repetir as eleccións, Chivite necesitaría tan só da xa anunciada abstención de EH Bildu (nove escanos), que lle daría unha maioría simple de máis votos a favor que en contra, pois previsiblemente rexeitarana UPN (15), PP (3) e Vox (2).