Os talibáns piden aos que fuxiron que volvan a Afganistán

Os talibáns e os seus simpatizantes celebraron este luns o seu primeiro ano no poder en Afganistán, pero a retirada da axuda internacional e o illamento do réxime deterioraron gravemente a economía e a política do país. O ano no poder desde que tomaron o control de Cabul o 15 de agosto de 2021 viuse marcado pola falta de recoñecemento dunha comunidade internacional alarmada polas crecentes restricións impostas polos fundamentalistas. O primeiro ministro do Goberno interino dos talibán, o mulá Hassan Akhund, chamou este luns á comunidade internacional a «reforzar as súas relacións» con Afganistán, no primeiro aniversario da toma do poder dos fundamentalistas.