41
Tras pasar as súas primeiras horas en Mallorca, os viaxeiros chegados desde Alemaña nun plan piloto para poñer a proba o sector turístico, afirman sentirse seguros no arquipélago balear. Tras un par de meses coas fronteiras pechadas, esta semana, ao redor de 1.500 turistas alemáns van gozar dos seus primeiros días de vacacións. O prograna ‘piloto’ contempla a chegada duns 11.000 turistas desde Alemaña, ata finais de xuño. Viaxeiros que deben respectar unhas medidas de seguridade específicas, non estarán en corentena e deberán permanecer, polo menos, cinco noites nas illas Baleares.