18
Os países da Unión Europea fracasaron este martes no seu intento de acordar un tope ao prezo do gas na UE polos vetos de Alemaña e Países Baixos, os máis reticentes a esta medida. Así, a cita desta xornada termina sen consenso despois de dez horas de negociacións nun Consello de Ministros extraordinario.
O obxectivo da reunión era pactar un prezo límite no mercado regulado do gas TTF holandés, de referencia para Europa, e que divide desde hai meses aos Vinte e sete en dous bloques: un a favor de fixar un prezo máximo para abaratar as facturas, no que están España, Grecia, Bélxica, Polonia, Italia ou Eslovenia; e outro que rexeita intervir no mercado, formado por Alemaña e Países Baixos, que temen poida comprometer a subministración.