- Iglesias asegura que non será «a escusa do PSOE» para que non haxa un goberno de esquerdas
Pablo Iglesias renuncia a entrar no goberno de Sánchez pero faino con condicións. Quere que o seu partido poida elixir de entre os seus membros a aqueles que se poderán sumar ao Gabinete como ministros «técnicos».
A través dun vídeo publicado nas súas redes sociais, o líder de Podemos explica que non vai ser «a escusa do PSOE» para que non haxa un Goberno de coalición de esquerdas a próxima semana. Esta decisión xa lle foi comunicada ao presidente en funcións Pedro Sánchez, mentres que o secretario de acción de goberno de Podemos, Pablo Echenique, será o encargado de comunicarlle esta acción ao PSOE.