O exsecretario xeral dos socialistas galegos, Pachi Vázquez, foi absolto do delito de prevaricación polo que foi acusado e xulgado a finais do ano pasado en Ourense.
A maxistrada do xulgado do penal 2, exonerou o político e outros catro edís que tiveron responsabilidades na corporación municipal do Carballiño, gobernada polo PSOE desde 1995 ata o 2011, considerando que non hai probas de que se vulnerasen os principios de igualdade, mérito e capacidade nos contratos de 60 traballadores.
A Fiscalía de Ourense solicitaba dez anos de inhabilitación para o exrexedor. Entendía que os contratos se fixeron a dedo, xa que a secretaria municipal certificara que non existían os expedientes dos contratos. A maxistrada considera que non hai probas de que se vulnere a legalidade.