- O acto terá lugar no campo de futbol municipal A Porta Santa, e será conducido polo xornalista Moncho Viña
O escritor, historiador e documentalista arteixán Xabier Maceiras acaba de publicar o seu novo libro ‘100 anos de fútbol en Arteixo e A Laracha’. A obra será presentada este xoves 22 de xullo, ás 19:00 horas, no campo de futbol municipal A Porta Santa de Paiosaco.
O xornalista larachés Moncho Viña será o encargado de conducir este acto aberto ao público ao que tamén acudirán os alcaldes da Laracha e Arteixo, José Manuel López Varela e Carlos Calvelo.