A gran final do Eurovision Song Contest 2019 tivo lugar en vivo desde Tel Aviv, onde 26 países competiron polo trofeo, e a honra de ser anfitrión o próximo ano.
Duncan Laurence gañou o Eurovisión Song Contest 2019 para os Países Baixos con ‘Arcade’. Conseguiron un total de 492 puntos dos 41 xurados expertos e o televoto. Italia terminou en segundo lugar e Rusia quedou en terceiro lugar. ‘Arcade’ está escrito e composto por Duncan Laurence, Joel Sjöö e Wouter Hardy.
Países Baixos obtivo 231 do xurado e 261 dos televotos internacionais. Foi suficiente para gañar o Eurovision Song Contest por 27 puntos. Italia terminou segunda con 465 e Rusia terceira con 369 puntos. España acabou esta andaina no posto número 22, cun total de 60 puntos (7 do xurado e 53 do televoto).
Sobre Duncan Laurence
Duncan Laurence, de 24 anos, naceu en 1994 en Spijkenisse, Países Baixos. Graduouse este ano na Academia de Rock en Tilburg, Países Baixos. Aquí desenvolveuse como cantante, compositor e produtor musical. Ademais diso, pasou moito tempo escribindo cancións en Londres e Estocolmo.
Duncan: “Nos últimos anos, moitos artistas coñecidos representaron aos Países Baixos no Festival da Canción de Eurovisión. Non son moi coñecido, pero iso tamén é bo; Holanda ten moitos músicos novos e talentosos. A miña participación proba que nada é imposible. De súpeto, podes ter a oportunidade de representar ao teu país nun escenario internacional. Estou moi orgulloso de representar ao meu país … Dareino todo!»
Certamente deuno todo, e deulle aos Países Baixos a primeira vitoria no Festival da Canción de Eurovisión desde 1975, unha espera de 44 anos que chegou ao seu fin esta noite.