Palomi Rodríguez volverá a presentarse á alcaldía da Laracha en maio deste 2023 tras ser escollida como candidata por unanimidade pola asemblea da agrupación socialista local.
A que xa fora secretaria xeral da agrupación local e candidata nas últimas eleccións municipais do 2019, repetirá no intento dos socialistas de obter unha alcaldía que consideran «clave» na comarca.
«Asumo o reto con tranquilidade, temos un equipo que traballa con moita ilusión e iso a militancia o valora, o noso único obxectivo é mellorar a vida da xente», asegurou Rodríguez.
Será ás 19:30 horas nun acto que contará coas intervencións do secretario xeral do PSdeG, Valentín González Formoso; o secretario xeral da provincia da Coruña, Bernardo Fernández; a alcaldesa da Coruña, Inés Rey, e a propia candidata á alcaldía.
Un acto aberto para todas as veciñas e veciños da Laracha que se poderá seguir tamén en directo por streaming, a través de Facebook.