A violenta erupción dun volcán submarino preto de Tonga, no Pacífico Sur, provoca un tsunami que fixo refuxiarse aos insulars en lugares elevados e desatou as alarmas nos países próximos. O Servizo Meteorolóxico de Australia informou de que «ondas de 1,2 metros foran rexistradas en Nuku’alofa», capital de Tonga. As autoridades da illa, onde residen 71.000 persoas, non informaron de momento de vítimas. Os medios locais alertan de que varias zonas permanecen incomunicadas. A explosión do volcán submarino Hunga-Tonga-Hunga-Ha’apai durou oito minutos. Foi tan forte que se oíu nas illas Fidxi, a máis de 800 quilómetros de distancia.