Abel Caballero anunciou este martes na rolda de prensa matinal, que Vigo albergará un gran concerto que pechará a tempada de dúas das grandes orquestras da verbena galega: Panorama e o Combo Dominicano.
Como explicou o rexedor “a partir das catro da tarde deste domingo comezará a instalación dos escenarios na explanada de Balaídos”, unha vez remate o encontro entre o Celta e a Real Sociedade, para que as 21:00h arranque a actuación. O alcalde engadiu que “toda a cidade está convidada e imos petalo”.
Ocupación hoteleira
Durante a semana pasada Vigo alcanzou unha ocupación total coa celebración de Conxemar, os bos datos continuaron durante a fin de semana onde os hoteis da cidade chegaron o 83% de ocupación. Abel Caballero enfeitizou que “en temporada baixa, temos niveis de ocupación dos mellores de España”. Tamén desvelou que para o festivo do 12 de outubro as reservas encóntranse por enriba do 70%.
O alcalde tamén desvelou que, tras o anuncio da data de encendido das luces de Nadal, que será o 19 de novembro, xa se encontra a cidade “practicamente ocupada, a mes e medio de distancia” e para a ponte da Constitución estará “totalmente ocupada”.