Papá Noel tomou nota dos desexos dos nenos e nenas de Ponteceso

Decenas de nenos e nenas de Ponteceso fixeron realidade o seu soño de coñecer a Papá Noel, que se desprazou ao municipio para percorrer as parroquias en coche eléctrico. Moitos foron os que acudiron á recepción de Papá Noel na Biblioteca Municipal para contarlle que tal lles foi o ano, como se portaron, os desexos que querían para estas festas e moitos leváronlle a súa carta.
Papá Noel estivo acompañado en todo momento na súa visita por persoal municipal, principalmente polos membros de Protección Civil e as concelleiras, Noelia Varela e Maite Chouciño, que obsequiaron a todos os nenos e nenas cun agasallo.