O Concello de Boqueixón vén de decretar dous días de loito oficial polo pasamento da sua secretaria-interventora, morreu de forma repentina, parece ser que por un ataque o corazón. Elena Suárez Rodríguez, estaba casada e tiña dous fillos,naceu en Carballo no ano 1955, ainda que residía en Santiago de Compostela, e levaba máis de dúas décadas exercendo o seu labor profesional nesta administración local.
Dende o Concello de Boqueixón queren transmitir o seu máis profundo pesar a toda a familia de Elena Suárez Rodríguez. “A súa é unha perda incalculable”, asegura o alcalde Manuel Fernández Munín, quen non dubidou en alabar “o excelente traballo que a secretaria desenvolveu durante todos estes anos”.
Os restos de Elena Suárez Rodríguez atópanse na sala 4 do Tanatorio de Boisaca. O funeral polo seu eterno descanso terá lugar hoxe ás 19.15 horas na capela do tanatorio municipal. Posteriormente, será incinerada na intimidade familiar.