31
A parlamentaria compostelá será a primeira muller en ocupar este cargo no PP de Galicia. O seu antecesor Miguel Tellado afirmara que lle gustaría que unha muller se puxese á fronte da Secretaría Xeral, e o sucesor de Alberto Núñez Feijóo na Xunta e no PP galego compartiu esta opinión. Prado ten toda a confianza de Rueda, cuxas áreas defendeu, ademais, como portavoz na Cámara autonómica. Licenciada e doutora en Dereito pola Universidade de Santiago de Compostela, ten un máster en Igualdade de Oportunidades, Xénero e Educación Social tamén pola mesma universidade compostelá. É avogada especialista en Dereito Civil e de Familia.