O presidente do Goberno, Pedro Sánchez, reiterou este sábado o compromiso do seu Goberno contra a corrupción e afirmou que a loita contra ela “ha de ser implacable, veña de onde veña e caia quen caia”. As palabras de Sánchez chegan en plena crise pola detención de Koldo García, asesor do exministro Ábalos, e a crecente presión para que este abandone a súa acta de deputado. Aínda que o presidente do Goberno non citou expresamente a Ábalos nin pediu publicamente a súa dimisión, si fixo gala dunha «transparencia absoluta» en materia de corrupción e asegurou que «o que a fai a paga». «Así foi durante estes seis últimos anos e así vai seguir sendo durante os próximos catro anos». Sánchez fixo estas manifestacións na inauguración do Consello da Internacional Socialista en Madrid en calidade de presidente desta organización e lembrou que o Goberno que preside naceu «por necesidade de acabar coa corrupción da anterior administración do PP e que fixo ademais da exemplaridade a súa bandeira».