Pedro Sánchez acusa a Feijóo de ‘achegarse’ a Vox

O presidente do Goberno e secretario xeral do PSOE, Pedro Sánchez, acusou ao líder do PP, Alberto Núñez Feijóo, de «achegarse a Vox» coa abstención anunciada polos populares na moción de censura, fronte ao seu antecesor no cargo, Pablo Casado, quen -dixo- «marcou unha distancia nítida coa ultradereita». Durante a súa intervención este sábado no Comité Federal de PSOE, Sánchez afirmou que entre a moción que se debaterá a partir do martes e a que presentou Vox hai máis de dous anos hai «dúas diferenzas». En primeiro lugar, o candidato, o economista Ramón Tamames, «porque o líder da ultradereita non dá a cara», dixo Sánchez. E en segundo lugar, «a postura do PP de Feijóo, que agora pasa do ‘non’ á abstención».