O presidente do Gobierno en funcións, Pedro Sánchez, prometeu este venres que se dedicará “en corpo e alma” a lograr unha investidura “auténtica” se o candidato do PP, Alberto Núñez Feijóo, a quen acusou de “perder o tempo” e someter ao país á “parálise”, fracasa na súa. Tamén prometeu que presentará un proxecto que será “coherente coa Constitución” e “conciliador”.
Sánchez interveu por primeira vez tras a súa convalecencia por Covid na presentación da proposta estratéxica da Presidencia española da UE en Madrid. Advertiu de que “o tempo é ouro” e non se debe perder para poñer solución aos problemas do país.
“Feijóo parece máis empeñado en impedir outra investidura que en lograr a súa”, reprochou Sánchez, sen aludir ao acto que o PP convocou o domingo 24 de setembro contra unha posible amnistía e a 48 horas do inicio do debate de investidura do líder do PP.