Pedro Sánchez anuncia un plan de 100 millóns para a saúde mental

O presidente do Goberno, Pedro Sánchez, anunciou este sábado a posta en marcha dun teléfono operativo 24 horas, gratuíto e confidencial, para «ofrecer atención profesional e apoio a persoas ou familiares con condutas suicidas», como parte do Plan de Acción 2021-2024 de Saúde Mental, que estará dotado con 100 millóns de euros. Así o sinalou durante a súa intervención no acto ‘Saúde Mental e Covid-19. Plan de Acción’, organizado con motivo do Día Mundial da Saúde Mental, que se celebra este domingo, ao que tamén asistiu a ministra de Sanidade, Carolina Darias.