O presidente do Goberno, Pedro Sánchez, destacou que o proxecto de avión solar é un claro exemplo da aposta do Executivo polas políticas de reindustrialización que se están implementando a través dunha ambiciosa colaboración público privada. Neste sentido, sinalou que supón unha aposta por sectores tecnolóxicos punteiros, como o sector aeroespacial; promove tecnoloxías de cero emisións; vincula a reindustrialización e a tecnoloxía de vangarda coa cohesión territorial; e evidencia o compromiso coa ciencia, a innovación e o emprendemento no noso país. O xefe do Executivo, acompañado pola ministra de Ciencia e Innovación, Diana Morant, e o presidente da Junta de Comunidades de Castilla-La Mancha, Emiliano García Page, visitou as instalacións da empresa Skydweller en Albacete, onde asistiu á demostración dun prototipo de avión solar non tripulado da compañía.
0