O xefe do Goberno e secretario xeral do PSOE, Pedro Sánchez, responsabilizou este domingo os líderes do PP, Alberto Núñez Feijóo, e de Vox, Santiago Abascal, de que Carlos Mazón siga á fronte da Comunidade Valenciana, a pesar da súa xestión «neglixente» da DINA. Pero ademáis afirmou que «dá igual que se chame Mazón, Moreno Bonilla, Ayuso ou Mañueco», porque seguen un mesmo patrón baseado en «recortes, mala xestión e mentira». Pedro Sánchez salientou que desde hai sete anos o único cambio real que propuxo o PP foi cambiar o seu líder, e concluíu pedindo aos socialistas que sexan o «baluarte» do estado de benestar, a xustiza social e a cohesión en todos os territorios. Pedro Sánchez fixo estas declaracións no acto de clausura dunhas xornadas do PSOE en León.