O presidente do Goberno, Pedro Sánchez, anunciou este luns a convocatoria de eleccións xerais anticipadas para o próximo 29 de novembro asegurando que «chegou o momento de que os españois decidades que futuro queredes».
Sánchez ás 9 da mañá despexou a incógnita que sobrevoaba toda a fin de semana tras o fracaso dos decretos en materia de vivenda o pasado venres no Congreso, tombados por PP, Vox e Junts. Un fracaso que causou indignación nas rúas que se mobilizaban polo dereito a unha vivenda digna tras o desafiuzamento de Maricarmen a semana pasada e que lle levou a consultar estes últimos días a ministros e dirixentes socialistas sobre que debía facer.
O presidente decidiuno este domingo, cando chamou ao rei Filipe VI pola tarde para trasladarlle que estaba decidido a convocar eleccións.
Sánchez defendeu o labor realizado polo seu Goberno durante a lexislatura e chamou aos españois a decidir se queren que España se sume á «onda ultradereitista» que involuciona e recorta dereitos ou desexan que España siga sendo «un baluarte de apertura e de xustiza social e de responsabilidade medioambiental».
O Boletín oficial del Estado publicará o martes o decreto de disolución das Cortes asinado por Felipe VI.