O presidente do Goberno español, Pedro Sánchez, iniciou este xoves unha xira por Israel, Palestina e Exipto durante a que se entrevistará cos seus respectivos líderes e aos que reiterará a súa aposta por unha conferencia de paz que avance na solución da coexistencia de dous Estados. Así o trasladou ás máximas autoridades israelís, o presidente, Isaac Herzog, e o primeiro ministro, Bejamín Netanyahu, con quen se reuniu. Ademais, pediulles que protexan aos civís de Gaza e que permitan a entrada de axuda humanitaria. A visita realízaa xunto co seu homólogo belga, Alexander de Croo, cuxo país asumirá o próximo 1 de xaneiro a presidencia rotatoria do Consello da UE que agora desempeña España. A viaxe coincide co anuncio da primeira tregua desde o inicio da guerra entre Israel e Hamás, iniciada o 7 de outubro, e que se cobrou xa a vida de máis de 14.000 persoas na Franxa de Gaza.
43