Sánchez pronunciouse sobre a amnistía este venres nunha rolda de prensa tras a reunión que mantivo co presidente da República de Chile, Gabriel Boric, no Palacio da Moeda, na que compareceron conxuntamente. O presidente do Goberno pediu aos españois que “poden ver con dúbidas a amnistía” que “confíen” nesta lei porque “vai ser beneficiosa» como o foron, dixo, os indultos aos líderes do ‘procés’: “O tempo demostrou que esa decisión valente que tomou o Goberno foi positiva para a sociedade catalá e a española”. Sánchez tamén dixo esperar aprobar os Orzamentos Xerais do Estado «canto antes» e advertiu á dereita de que «hai Goberno para longo». O xefe do Executivo lembrou que o conflito catalán vén de 2017 e que se segue falando del a día de hoxe máis que doutras cuestións que preocupan aos españois. E insistiu en que a acción do seu Goberno foi sempre dirixida a favor da “convivencia”, a “reconciliación” e “a concordia”.
39