O presidente do Goberno en funcións, Pedro Sánchez, reiterou este domingo ao primeiro ministro israelí, Benjamín Netanyahu, a súa condena polos «ataques terroristas de Hamás» e o dereito de Israel a defenderse pero tamén lle trasladou a necesidade dun cesamento do fogo para que a axuda humanitaria chegue á poboación de Gaza de maneira «suficiente e sostida», sinalou na súa conta da rede social X. Sánchez reiteroulle a Netanyahu a súa «condena aos ataques terroristas de Hamás contra Israel e o seu dereito para defenderse deles, dentro dos límites do dereito internacional e humanitario» así como a súa «solidariedade coas familias das vítimas» e indicou que os reféns que mantén Hamás -ao redor de 200, segundo Israel- «deben ser liberados de inmediato e sen condicións». Tamén lle expresou a súa «fonda preocupación pola protección de todos os civís e a necesidade de que a axuda humanitaria chegue á poboación de Gaza de maneira suficiente e sostida».
44