O presidente do Gobierno en funcións, Pedro Sánchez, deu este xoves positivo en COVID no test preceptivo para a asistencia ao Cume do G-20. En consecuencia, non poderá viaxar á cidade de Nova Deli, onde se celebra o encontro, os próximos días 9 e 10 de setembro.
O presidente atópase ben e seguirá traballando desde a súa residencia, segundo informou Moncloa.
O Goberno de España estará representado pola vicepresidenta primeira e ministra de Asuntos Económicos e Transformación Dixital, Nadia Calviño, e o ministro de Asuntos Exteriores, Unión Europea e Cooperación, José Manuel Albares.
O propio Sánchez confirmou que se atopa ben nunha mensaxe publicada en X (antes Twitter/Twitter). “España estará magnificamente representada pola vicepresidenta primeira e ministra de Asuntos Económicos e o ministro de Exteriores, UE e Cooperación”, engadiu o presidente.