O presidente do Goberno español, Pedro Sánchez, reiterou este sábado o seu compromiso de apoiar a Ucraína «o tempo que faga falta» e «sen importar o prezo para pagar» nun discurso na Rada Suprema, o Parlamento ucraíno. «Este 1 de xullo España asumiu a gran responsabilidade de facerse cargo da presidencia rotatoria do Consello da Unión Europea para os próximos seis meses», afirmou Sánchez, que viaxou este sábado a Kiev, onde tras entrevistarse co presidente Volodímir Zelenski anunciou o envío doutros catro tanques Leopard a Ucraína e de un hospital de campaña portátil. Pedro Sánchez expresou o convencemento de que Ucraína sairá vitoriosa da guerra e encomiou a «determinación» na súa loita pola independencia, a pesar de que o prezo para pagar sexa «enorme». Sánchez engadiu: “Os soldados rusos loitan porque temen ser castigados se non o fan. Todos os días pregúntanse ‘que facemos aquí?’, concluíu.