40
O presidente do Goberno, Pedro Sánchez, recibe este venres no Palacio da Moncloa o presidente da Xunta de Galicia, Alberto Núñez-Feijóo, no marco da rolda de contactos cos xefes de Executivo autonómicos. No encontro, Sánchez prevé analizar «as cuestións que sexan importantes para o futuro de Galicia». A última reunión entre o presidente do Goberno e o da Xunta produciuse en xullo de 2018, no marco dos encontros de Sánchez cos presidentes autonómicos á súa chegada á Presidencia do Goberno. Esta reunión prodúcese a mesma semana en que tamén o lehendakari, Iñigo Urkullu, visitou A Moncloa, un encontro que tiña pendente desde a súa vitoria electoral en xullo deste ano, cando tamén Feijóo foi reelixido presidente.