O presidente do Goberno, Pedro Sánchez, defendeu a figura dun mediador nas reunións entre o PSOE e os independentistas que se recollen nos respectivos acordos de investidura con ERC e Junts porque é «bo» que «cando hai posicións dispares, haxa un terceiro que verifique» ante a «extraordinaria desconfianza» entre o PSOE e estas formacións.
Así o afirmou en La hora de la 1 de TVE, onde ofreceu a súa primeira entrevista tras ser investido presidente o pasado 16 de novembro e na que volveu a defender a lei de amnistía aos procesados do ‘procés’ como un «paso coherente e consecuente» na súa política de convivencia en Cataluña, aínda que recoñeceu de novo que as eleccións do 23J e a necesidade dos votos independentistas foron o que marcou o seu cambio de posición con respecto á medida de graza que «vai ser boa para o país». «Non era o seguinte paso que quería dar, pero é coherente», dixo.