O presidente do Goberno, Pedro Sánchez, viaxou á base militar de Adazi (Letonia), para visitar ás tropas da OTAN, entre elas ás españolas, con misión de disuasión e protección da fronteira con Rusia, situada a 120 quilómetros. Estivo acompañado polo secretario xeral da Alianza Atlántica, Jens Stoltenberg, o primeiro ministro de Letonia, Arturs Krisjanis Karin, e o primeiro ministro de Canadá, Justin Trudeau, país que comanda o grupo táctico, con España como segundo maior contribuínte. A viaxe é a expresión do compromiso e a unidade transatlánticos fronte á inxustificada agresión lanzada polo goberno de Rusia contra Ucraína, así como o apoio de todos os aliados aos países do Báltico. Durante o encontro coas tropas españolas, o presidente Sánchez expresou, «con orgullo», a gratitude sentida por «a entrega, solidariedade e xenerosidade dos nosos soldados. Coa vosa abnegación e profesionalidade estades a contribuír a conseguir un mundo máis seguro para todos». Así mesmo, o presidente do Goberno reiterou o firme compromiso de solidariedade de España co pobo ucraíno nas actuais circunstancias de crise humanitaria que a guerra está a provocar, con máis de 2 millóns de refuxiados ata o momento.
39