O líder do PSOE, Pedro Sánchez, debullou desde L´Hospitalet unha batería de datos económicos favorables e dixo que a paz social se proxecta tamén ás relacións do Estado con Cataluña. Sánchez sinalou que o triunfo dos socialistas nas eleccións municipais comezará precisamente en territorio catalán. Eludiu calquera referencia a Sumar, pero defendeu os logros do Goberno bipartito. En concreto, explicou que agora “hai máis e mellores empregos”, unha das enerxías “máis baratas de Europa” e unhas pensións blindadas. Engadiu que iso non o logrará tapar o ruído da dereita. Para Sánchez, o país atopábase “desgarrado” en 2018 pola “irresponsabilidade” do movemento independentista e a “incapacidade da política nacional da dereita” que “quería rabuñar votos”. “Por iso é tan importante apelar á convivencia e iso é o que vai facer o PSC e Salvador Illa”, engadiu sobre o candidato catalán ás eleccións autonómicas.
0