Segundo confirmou o ministro de Presidencia, Félix Bolaños, Xi convidou a Sánchez a reunirse en China aproveitando a visita de Estado que realizará o xefe do Executivo español ao país os días 30 e 31 de marzo.
Concretamente, Sánchez desprazarase o día 30 a Hainan para participar no Foro Económico de Boao, e será ao día seguinte cando se trasladará a Pequín para reunirse con Xi.
Na entrevista, Bolaños puxo en valor a visita oficial e o «peso indubidable» do presidente español «no mundo». «China ten un papel crave na súa posible mediación na guerra de Ucraína», lembrou.
O ministro explicou que Sánchez acudirá á China con motivo da próxima presidencia española na Unión Europea no segundo semestre do ano e destacou que será unha visita tamén importante «desde o punto de vista económico e comercial», porque o presidente reunirase no Foro de Cooperación Económica Asia-Pacífico con outros mandatarios e empresas españolas «que teñen investimentos na China».