O presidente dos Estados Unidos, Joe Biden, convidou a Pedro Sánchez á Casa Branca o próximo 12 de maio. O obxectivo da cita será, entre outras cousas, avaliar a situación da guerra en Ucraína e fortalecer a relación bilateral nunha visita oficial que coincide case un ano despois da reunión que mantiveron durante o Cume da OTAN de Madrid. O presidente español viaxará a Washington o día en que arrinca a campaña electoral para as eleccións municipais e autonómicas do próximo 28 de maio, que Sánchez tiña previsto abrir en Sevilla. «A visita permitirá profundar as xa estreitas relacións que existen entre España e Estados Unidos, dous países amigos, socios e aliados. Ambos os mandatarios reafirmarán o seu compromiso co vínculo transatlántico e co firme apoio a Ucraína fronte á agresión rusa», indicou nun comunicado A Moncloa.
42