Preto de 300 persoas participaron na tarde deste venres na concentración organizada na Coruña polo Organismo Popular Antirrepresivo Ceivar a prol da liberación do rapeiro Pablo Hasél.
Os manifestantes, concentrados no Obelisco, proclamaron consignas como “Estado español, Estado represor”, “os Borbóns son uns ladróns” ou “a Policía tortura e asasina”. Ao remate do acto foi lido un comunicado para pedir a liberación do artista.
Pequenas cargas
A comitiva da protesta tomou rumbo cara a rúa Real onde foi bloqueada por efetivos da Policía Nacional. Os corpos de seguridade cargaron durante un curto período de tempo para disuadir a concentración, na que tamén se moveron varios colectores sen ningunha incidencia salientable máis alá.
A de A Coruña foi unha das concentracións organizadas este venres en Galicia. Tamén se celebraron actos en Santiago, Lugo, Ourense, Pontevedra, Vigo e Burela.