Perde a vida un bañista que foi rescatado da auga na Praia da Rapadoira, en Foz

Un bañista perdeu a vida na tardiña deste sábado cando se bañaba na Praia da Rapadoira, no concello lucense de Foz. Os socorristas do areal sacárono da auga e trataron de reanimalo sen éxito. Con todo, desde o 112 Galicia, pediuse a colaboración dos profesionais sanitarios que, unha vez no lugar, só puideron confirmar o seu falecemento. No punto tamén se atopaban os axentes da Garda Civil e da Policía Local, que acudiron tras o aviso do 112 Galicia. Cómpre indicar que foron os mesmos socorristas quen chamaban ao número único de emerxencias para pedir axuda para un home que se mareara mentres se bañaba e acabara tragando moita auga. Malia que foi posible sacalo do mar, as labores de reanimación remataron con un resultado negativo.