Gonzalo Pérez Jácome, da formación Democracia Ourensana, afirmou este martes que expulsa aos edís do Partido Popular do grupo de goberno. A dez meses das eleccións municipais, o pacto volve saltar polo aire, e faio apenas dúas semanas despois de que os populares confirmasen que Manuel Cabezas, ex rexedor da cidade, será o seu candidato en 2023. Jácome avisou que o seu partido retira o apoio a Manuel Baltar, presidente da Deputación Provincial. “Non é normal cogobernar cunha persoa da que estás raiando”, dixo en referencia ás críticas de Cabezas ao seu gabinete. Deste xeito, Jácome seguirá gobernando a cidade só cos seus concelleiros de Democracia Ourensana.