45
O deporte en instalacións ao aire libre, a reapertura de Centros de Alto Rendemento e a posibilidade de adestrar en pequenos grupos en clubs de ligas profesionais convértense nas grandes novidades da fase 1 da desescalada, regulada polo Ministerio de Sanidade a pedimento do Ministerio de Cultura e Deporte e a través do Consello Superior de Deportes (CSD). A orde ministerial «autoriza o acceso aos Centros de Alto Rendemento aos deportistas integrados nos programas aprobados, os deportistas de Alto Nivel (DAN), os deportistas de Alto Rendemento (DAR) e os recoñecidos de interese nacional polo CSD», segundo a nota emitida polo ministerio de Cultura e Deporte.