A Fiscalía Anticorrupción pediu condenar ao exministro do Interior Jorge Fernández Díaz a 15 anos de cárcere pola ‘Operación Kitchen’, o presunto operativo parapolicial para espiar ao extesoreiro do PP Luís Bárcenas e roubarlle a información sensible que tivese do PP, mentres que interesou unha condena de 19 anos de prisión para o comisario xubilado José Manuel Villarejo. No seu escrito de acusación os fiscais César de Rivas e Miguel Serrano interesan así mesmo unha inhabilitación de 33 anos para o exministro polos delitos de encubrimento, malversación e delitos contra a intimidade. Doutra banda, o Ministerio Público solicita 15 anos de cárcere para o ex secretario de Estado de Seguridade Francisco Martínez e para o exdirector adxunto operativo (DAO) da Policía Nacional Eugenio Pino. Tamén pide 15 anos para quen fora asesor de María Dolores de Cospedal no Goberno de Castela A Mancha, o comisario Andrés Gómez Gordo.
43