Podemos baralla rexeitar o decreto lei de reforma do subsidio de desemprego se non se elimina a rebaixa progresiva da cotización de pensións para maiores de 52 anos que cobran esa prestación. Fontes da formación de Ione Belarra indicaron que, para a votación este mércores no Congreso, reclaman ao Goberno eliminar ese cambio, que consideran un “recorte” nas pensións de xubilación para os maiores de 52 anos que perciben esta axuda. O PSOE confía en sacalo adiante, pero de momento, o seu socio de investidura, Junts, xa lle dixo que non apoiará os decretos.