O pasado 21 de Decembro celebrouse un pleno de tan só 4 minutos de duración para a aprobación urxente do pago de facturas, omitindo totalmente o trámite preceptivo de función interventora que esixe a lei.
«En Unidas Podemos coincidimos coa interventora no que o pago de facturas a empresas está por encima de todo, por iso é polo que por parte de Intervención procédase a emitir o informe de omisión da función interventora previsto no art 28 do RCIL, pois o feito relevante é a inexistencia de contrato e por tanto a falta de procedemento para a tramitación da factura derivada da prestación dos servizos efectuados e non se formule un reparo suspensivo».
Doutra banda, o informe de Intervención dá unha serie de recomendacións ao consistorio con respecto aos contratos.
Unha desas recomendacións é a necesidade de licitar de maneira urxente o contrato do SAF, xestionado actualmente de maneira externa e caducado desde 2018, por tanto prorrogado de forma tácita, obrigando así á empresa para prestar un servizo desde hai seis anos que non ten en conta a actual demanda da poboación de Laxe nin en número de usuarias nin en número de horas do devandito servizo e que repercute directamente na calidade do servizo e nas condicións laborais dos seus traballadores.
Outra destas recomendacións é deixar de considerar contratos menores aqueles que examinados no seu conxunto exceden os prazos, as contías e a natureza propia dos contratos menores, facendo referencia ás facturas da subministradora de luz e gas, pois estas facturas responden a gastos repetitivos e recorrentes que se perpetúan no tempo, co que incumpren os requisitos básicos para ser considerados contratos menores, incorrendo nunha fragmentación dun contrato maior en varios contratos menores para non ter que cumprir co procedemento que deben cumprir os contratos maiores de publicidade e transparencia.
«Tampouco debemos esquecer que os recoñecementos extraxudiciais de crédito, ferramenta que se usa por este grupo de goberno de maneira recorrente para pagar facturas, é un procedemento extraordinario que debe ser usado de maneira non recorrente e singular , nunca de maneira regular e que á hora de facer uso do mesmo débense seguir as indicacións dadas polo Tribunal de Contas, para evitar as consecuencias e as responsabilidades por parte do grupo de goberno do concello de Laxe que puidesen derivar da realización de gastos que non teñan consignación nos orzamentos, vulnerando así o procedemento de contratación, incorrendo nun delito penal».
«A resposta que Unidas Podemos atopou no pleno por parte do tenente alcalde foi que non se cumprían con estas obrigacións por falta de recursos humanos, admitindo así unha total e evidente incompetencia á hora de xestionar e dinamizar todo un equipo de traballo do que dispón o pobo a quen hai escasos meses estaba a pedirlles o voto para gobernalo», conclúen desde Podemos Laxe.