Só no estado de Bahía hai máis de de 35.000 damnificados e 70 municipios en estado de emerxencia, dos cales 58 sofren danos en infraestruturas debido ás inundacións. A cidade máis afectada foi a turística Ilheus, no litoral sur de Bahía, que concentra a maior parte das máis de catrocentas mil persoas afectadas non só pola destrución de casas e negocios, senón tamén polo seu illamento. Non poden moverse ou recibir víveres ou medicamentos. Ao redor de 16.000 persoas necesitan aloxamento e hai case vinte mil desprazados. As operacións de rescate continúan. Os meteorólogos relacionan a abundantes choivas co fenómeno climático La Niña e o aumento da temperatura da auga no océano Atlántico. Todas as previsións apuntan a que as choivas continuarán nos próximos días.
47