Polo menos 25 persoas resultaron feridas, dúas delas de gravidade e tres potencialmente graves, tras unha explosión no bar ‘Mis Tesoros’ e un local lindeiro da rúa Manuel Maroto de Ponte de Vallecas, Madrid, que afectou tamén ao edificio superior de vivendas, que tivo que ser desaloxado. Segundo informou Emerxencias Madrid, o suceso tivo lugar ao redor das 15.00 horas deste sábado por concentración de gases e ata o lugar do suceso trasladáronse 13 dotacións de Samur-PC e 18 de bombeiros do Concello de Madrid, ademais de unidades do SUMMA 112. O acceso ás vivendas situadas nos pisos superiores ao bar non é posible, posto que o portal do bloque é unha das zonas máis afectadas, explicou o xefe do corpo de bombeiros de Madrid, Carlos Marín.