As fortes choivas e corrementos de terra en Brasil deixan polo menos 86 mortos e decenas de desaparecidos segundo o Goberno. Bombeiros, militares e veciños buscan entre os entullos e o barro ás vítimas da traxedia. Unhas 4.000 persoas tiveron que abandonar os seus fogares debido a que viven en zonas de risco segundo as autoridades. O estado máis castigado é Pernambuco, situado no nordeste do país. Na capital do estado, Recife, declarouse a «situación de emerxencia». Aí é onde se produciron a maioría de mortes. A pesar da tregua deste domingo están previstas máis precipitacións para os próximos días polo que a cifra de vítimas podería aumentar. É a segunda traxedia deste tipo que vive o país este ano despois de que en febreiro morresen máis de 230 persoas en Petrópolis.