- O agresor, de 51 anos, faleceu debido ás autolesións
Un home apuñalou de forma masiva a unha vintena de persoas, a maioría nenas de entre 6 e 7 anos de idade en Kawasaki, ao sur de Tokio.
As pequenas atopábanse na parada do autobús escolar cando o agresor arremeteu contra elas.
Os feitos ocorreron este martes pola mañá, e no incidente morreron 2 persoas: unha nena de 12 anos e un home de 39; ademais de resultar feridas máis dunha decena de persoas.
A identidade do atacante aínda non foi revelada, pero tratábase dun residente da cidade que despois do apuñalamento se autolesionou. Faleceu posteriormente nun hospital local, onde fora trasladado baixo custodia policial.
O primeiro ministro xaponés, Shinzo Abe cualificou o suceso como «moi doloroso» e esixiu ás autoridades tomar medidas inmediatas para «garantir a seguridade» dos alumnos de todo o país xa que teñen o costume de desprazarse sós cara aos centros educativos.