Un incendio en California sáldase con polo menos 8 persoas desaparecidas, dúas localidades quedaron totalmente arrasadas, arderon preto de 200.000 hectáreas de bosque e monte baixo e miles de persoas tiveron que ser evacuadas. Uns 5.000 efectivos loitan contra as chamas en múltiples frontes. Os bombeiros din ter controlado algo máis do 20% do incendio. O gobernador do Estado, Gavin Newsom, visitou os restos calcinados de Greenville, unha localidade cargada de historia, pois no seu día foi o epicentro da chamada febre do ouro. Edificios históricos quedaron reducidos a cinzas e entullos. Varios anos de seca e unha intensa onda de calor están detrás da peor tempada de incendios da historia de California, cos campos e bosques resecos e repletos de yesca. A investigación preliminar suxire que o incendio se iniciou tras caer unha árbore sobre o tendido eléctrico.
32