Os ataques deste luns con mísiles á cidade ucraína de Leópolis, a uns 80 quilómetros da fronteira con Polonia, deixaron polo menos seis mortos, informaron fontes rexionais, segundo o portal de noticias Ukrinform. De acordo con esa fontes, polo menos oito persoas resultaron feridas neses ataques, dirixidos en parte contra unhas infraestruturas militares. O alcalde da cidade, Andriy Sadovyi, informou previamente a través da rede Telegram de que cinco mísiles caeran na urbe nas últimas horas. Pola súa banda, o responsable da rexión militar desta cidade, Maksym Kozytskyi, informou na súa páxina de Facebook de que a cidade recibiu o impacto de polo menos catro mísiles. Tampouco detallou se se produciron danos materiais ou vítimas, e recomendou á poboación que se manteña refuxiada en previsión de máis ataques.
39