Un avión militar ruso Su-34 estrelouse este luns no patio dun edificio residencial na cidade balneario de Yeisk, preto de Ucraína e bañada polo mar de Azov, causou a morte de polo menos tres persoas, así como 21 feridos, segundo as autoridades. A institución castrense explicou que o accidente se produciu mentres o avión ascendía para efectuar un voo de adestramento desde o aeródromo do Distrito Militar Sur. A causa do accidente foi o incendio dun dos motores durante o despegamento, segundo explicou o piloto, que activou o dispositivo de seguridade antes do choque. Cando se estrelou no patio, o combustible do avión incendiouse e a área do lume estendeuse por 2.000 metros cadrados. As autoridades locais e de emerxencia falan de entre 15 e 17 apartamentos danados polo incendio. O gobernador de Krasnodar, Veniamin Kondratiev, trasladouse ao lugar da emerxencia e o Comité de Investigación de Rusia, dependente da Presidencia, abriu un caso penal polo accidente, segundo a axencia oficial TASS.
40