O ministro de Agricultura de Polonia, Robert Telus, anunciou esta medida despois de que tanto Varsovia como Budapest anunciasen a fin de semana a prohibición dalgunhas importacións procedentes de Ucraína. Estes pediron unha solución a Bruxelas, xa que argumentan que as importacións baratas procedentes de Ucraína baixaron os prezos e reduciron as súas vendas. A ministra de Economía de Ucraína, Yulia Svyrydenko, conseguiu resolver a situación con Polonia tras dous días de intensas negociacións: «Como resultado das nosas conversacións, que duraron dous días, decidimos que o tránsito de mercadorías ucraínas a través do territorio de Polonia desbloquearase do xoves ao venres”. Mentres tanto, centos de camioneiros que transportan gran e outros tipos de alimentos están atascados nas colas dos postos de control da fronteira entre Ucraína e Polonia. Algúns levan varios días e aseguran que están a piques de quedarse sen provisións e sen auga.
24