A campaña para abrir as bolsas de emprego tivo un éxito rotundo, con case catrocentas persoas anotadas para traballar e o seguinte desglose
Limpador de institucións municipais: 31
Limpador de insitucións municipais fixo discontinuo: 26
Educador familiar: 10
Conserxe: 37
Tecnico/a emprego local: 26
Orientadora laboral: 28
Animador cultural: 6
Animador deportivo: 5
Monitor deportivo: 5
Monitor actividades cultural deporte: 15
Auxiliar administrativo administración xeral: 43
Auxiliar administrativo arquivo e biblioteca: 39
Persoal GES: 24
Conductor/a obras e servizos: 8
Conductor/a vehículo extinción de incendios: 13
Operario/a obras e servizos: 25
Con respecto ao servizo de orientación laboral, que o Concello de Ponteceso comparte con Cabana de Bergantiños, estanse facendo entrevistas personalizadas na oficina enriba do Melga, para a inserción laboral de todos e todas as demandantes de emprego, con numerosas ofertas abertas para empresas locais e de fora de Ponteceso. o Alcalde valorouno así “Teño unha reunión semanal con 90 empresas da zona, e só no día de hoxe apareceron 5 empresas solicitando persoal, oferta que transferín inmediatamente ao servizo de orientación”
Outra fronte na que o Concello traballa na inserción laboral, son os cursos de formación en tecnoloxías para mulleres, carretilla e almacén, a través de distintas figuras como fondos europeos e plan galego de inclusión. A formación é constante, rematando un curso e empezando outro.
Moi importante a finais de mes, vai ser a publicación dun novo plan de emprego social, do Concello de Ponteceso. “Imos sacar 6 prazas durante seis meses, para empezar, pero ímolo ampliar así consigamos máis fondos e a autorización autonómica para contratar” asegurou o Alcalde.
As bases do plan de emprego vanse publicar moi pronto no boletín oficial da provincia e na páxina do Concello de Ponteceso, pero o Alcalde adiantou que vai ir destinado a persoas demandantes de emprego, sen prestación ningunha, priorizando a aquelas persoas que máis o necesiten. Só para persoas empadroadas no día que remate o prazo de presentación de solicitudes.